Bu gün Heydər Əliyev Fondunun vitse-prezidenti Leyla Əliyevanın doğum günüdür.
O, 3 iyul 1985-ci ildə anadan olub.
Leyla Əliyeva "Xocalıya Ədalət" kampaniyasının təşəbbüskarı, BMT-nin FAO xoşməramlı səfiri, İƏT Gənclər Forumunun mədəniyyətlərarası dialoq üzrə baş əlaqələndiricisi, AMOR-un sədri, IDEA-nın təsisçisi və sədridir.
1989-2000-ci illərdə Bakıda 160 saylı məktəbdə oxuyub. 2000-ci ildə Avropa Biznes Məktəbinə daxil olub. 2006-2008-ci illərdə Moskva Dövlət Beynəlxalq Münasibətlər İnstitutunun magistraturasını bitirib.
2007-ci ildən Heydər Əliyev Fondunun Rusiya nümayəndəliyinə rəhbərlik edir, 2011-ci ildən isə Fondun vitse-prezidentidir.
O, ehtiyacı olanlara yardım göstərir, uşaqlar, yaşlılar, qaçqın ailələri üçün layihələr həyata keçirir. Təhsil, səhiyyə, idman və mədəniyyət sahələrində fəal iştirak edir.
AMOR-u Rusiyada nüfuzlu gənclər təşkilatına çevirib. "Baku" jurnalını təsis edib.
"Xocalıya Ədalət" kampaniyası ilə Xocalı soyqırımı haqqında həqiqətləri dünyaya yayır.
2011-ci ildə "Tərəqqi" medalı, "Key to life" mükafatı, 2012-ci ildə Həştərxan medalı, 2013-cü ildə ekologiya mükafatı, III dərəcəli "Knyaginya Olqa" ordeni, 2015-ci ildə FAO səfiri adı, "Puşkin" medalı, 2016-cı ildə MGİMO medalı ilə təltif olunub.
O, həmçinin şair və rəssamdır. "Əli və Nino" filminin icraçı prodüseri, "Bakı, mən səni sevirəm" layihəsinin rəhbəridir.
