Qlobal bazarda neft kəskin bahalaşmadan sonra yenidən ucuzlaşıb.
“Interfax”ın məlumatına görə, Bakı vaxtı ilə saat 09:10-da London ICE birjasında “Brent” markalı neftin avqust füçersləri 0.74 dollar (0.78%) ucuzlaşaraq bir barel üçün 94.24 dollar olub. Əvvəlki sessiyada isə “Brent” 3.86 dollar (4.2%) bahalaşaraq 94.98 dollar təşkil etmişdi.
Nyu-York Ticarət Birjasında (NYMEX) WTI markalı xam neftin iyul füçersləri 0.87 dollar (0.94%) ucuzlaşaraq bir barel üçün 91.29 dollar olub. Əvvəlki sessiyada WTI 4.80 dollar (5.5%) bahalaşaraq 92.16 dollara çatmışdı.












