Braziliyanın San-Paolo şəhərindəki Konqonyas hava limanında faciə: təyyarədən enən 72 yaşlı qadın trapdan yıxılaraq ağır xəsarət alıb.
Hadisə yerində ilkin tibbi yardım göstərildikdən sonra qadın təcili olaraq özəl klinikaya çatdırılıb. Lakin beyin qanaması diaqnozu ilə xəstəxanaya yerləşdirilən zərərçəkmiş iki gün sonra həyatını itirib.
Aviaşirkət rəsmi açıqlamasında bədbəxt hadisəni təsdiqləyib və sərnişinin ailəsinə başsağlığı verib. Şirkət bütün təhlükəsizlik qaydalarına riayət etdiklərini bildirib.
