Ukrayna Prezidenti Volodimir Zelenski Rusiya lideri Vladimir Putinə açıq məktub ünvanlayıb. Dövlət başçısı məktubunda Kiyevin müharibəni birbaşa danışıqlar yolu ilə başa çatdırmağa hazır olduğunu bildirib.
Zelenski qeyd edib ki, müharibə artıq Rusiya cəmiyyətini qane etmir və ölkəyə mənfi təsir göstərir. O, Putinin 26 illik hakimiyyətinin yarısını Ukraynaya qarşı müharibədə keçirdiyini vurğulayıb.
“Bu müharibə sizin şəxsi seçiminizdir, real səbəbi olmayan müharibədir”, - deyə Zelenski bildirib.
O, birbaşa ikitərəfli həll yolları axtarmağın vacibliyini qeyd edib: “Müharibədən çıxmaqdan qorxmayın. Hazırda sizdən tələb olunan əsas addım budur”.
Zelenski həmçinin xəbərdarlıq edib: “Əgər müharibə başa çatmasa, onlar siyasi və şəxsi mövcudluqları uğrunda mübarizə aparmalı olacaqlar”.
O, cəbhə xəttinin diplomatik prosesin başlanmalı olduğu nöqtə olduğunu vurğulayıb. Potensial görüş üçün İsveçrə, Türkiyə və ya ərəb ölkələri platforma kimi təklif edilib.
