Avropa və Asiyada benzinin qiyməti son aylarda 40% yüksəlib. Bu artım ABŞ və İsrailin İrana qarşı əməliyyatları ilə əlaqələndirilir.
Beynəlxalq Valyuta Fondunun (BVF) kommunikasiya direktoru Culi Kozak bildirib ki, neft qiymətlərindəki dəyişikliklər neft məhsulları bazarına dalğavari təsir göstərir. Nəticədə aviasiya yanacağının qiyməti 35%, benzinin qiyməti isə 40% artıb.
İran ətrafında gərginlik Hörmüz boğazının faktiki bloklanmasına səbəb olub. Bu, neft ixracına və hasilata mənfi təsir göstərib.
Dünyanın bir çox ölkələrində yanacaq və sənaye məhsullarının qiymətlərində artım müşahidə olunur.
