Mayın 28-də SOCAR-ın prezidenti Rövşən Nəcəf İtaliyaya səfəri zamanı bir neçə görüş keçirib.
İlk olaraq "Italiana Petroli" şirkətinin ofisində İdarə Heyətinin üzvləri və SOCAR nümayəndələri ilə görüş olub. Görüşdə şirkətin fəaliyyəti, İtaliya bazarındakı mövqeyi və strateji hədəflər müzakirə edilib.
Daha sonra SOCAR rəhbəri UNEM prezidenti Canni Murano və "Confindustria"nın enerji nümayəndəsi Aurelio Recina ilə görüşüb.
Görüşlərdə Azərbaycanın Avropa enerji təhlükəsizliyində artan rolu və Cənub Qaz Dəhlizinin genişləndirilməsi vurğulanıb. SOCAR-la İtaliya şirkətləri arasında infrastruktur, qaz nəqli və təchizatı sahələrində əməkdaşlıq imkanları nəzərdən keçirilib.
