Azərbaycan Prezidenti İlham Əliyev Bakı Enerji Həftəsi çərçivəsində keçirilən tədbirlərdə iştirak edib. Dövlət başçısı 31-ci Beynəlxalq Xəzər Neft və Qaz Sərgisi, 14-cü Xəzər Beynəlxalq Təmiz Enerji Sərgisi və 31-ci Bakı Enerji Forumunun açılışında çıxış edib.
"Haber Global" telekanalının süjetində qeyd olunur ki, İlham Əliyev çıxışında Zəngəzur dəhlizi layihəsinin mütləq həyata keçiriləcəyini vurğulayıb. O bildirib ki, bu dəhliz Şərq-Qərb dəhlizinin digər bir qolu olacaq və avqustun 8-də Ağ Evdə imzalanmış sənədə əsasən inşa ediləcək.
Prezident həmçinin Azərbaycanın qlobal enerji dialoqundakı rolunun gücləndiyini qeyd edib: "Bu gün Avropa enerji bazarının Cənub Qaz Dəhlizi olmadan necə olacağını təsəvvür etmək çətindir. Keçən il 12 ölkə Azərbaycan qazını alırdısa, bu gün onların sayı 16-dır, onlardan 10-u Aİ üzvüdür. Bu say artacaq".
