Astara Gömrük İdarəsi əməkdaşları tərəfindən həyata keçirilən nəzarət tədbirləri nəticəsində 22 kiloqramdan çox marixuana aşkar edilib.
Dövlət Gömrük Komitəsindən verilən məlumata görə, "Cənub-Astara" gömrük postunda İrandan Rusiyaya kahı yükü daşıyan nəqliyyat vasitəsi rentgen qurğusunda yoxlanılıb və şübhəli cizgilər aşkarlanıb.
Kinoloji xidmət itinin iştirakı ilə aparılan yoxlamada kahı ilə örtülmüş 191 bağlamada qurudulmuş marixuana tapılıb. Narkotikin ümumi çəkisi 22 kiloqram 565 qram təşkil edib.
Faktla bağlı araşdırma aparılır.
