Səhiyyə Nazirliyinin İnformatika və Statistika İdarəsinin sabiq rəisi Mehdi Əmrahov xüsusilə külli miqdarda mənimsəmədə ittiham olunur.
Baş Prokuror yanında Korrupsiyaya Qarşı Mübarizə İdarəsi cinayət işi açıb. O, 600 min manatdan çox vəsaiti mənimsəməkdə günahlandırılır.
İttiham Cinayət Məcəlləsinin 179.4, 308.2 və 313-cü maddələrinə əsasən irəli sürülüb. Ziyanın bir hissəsi ödənilib.
Yaşı və səhhəti nəzərə alınaraq polis nəzarəti tədbiri seçilib. İş Bakı Ağır Cinayətlər Məhkəməsinə göndərilib.
