Bakıda "İdrak" liseyində müəllimi güllələməkdə təqsirləndirilən yeniyetmənin məhkəmə istintaqı başlayıb.
Bakı Ağır Cinayətlər Məhkəməsində hakim Vüqar Quliyevin sədrliyi ilə keçirilən prosesdə prokuror ittiham aktını elan edib. İttihama görə, müəllim Şəhla Kamilova şagirdə dərsi bilmədiyi üçün irad bildirib. Şagird bunu hörmətsizlik kimi qəbul edib.
Yeniyetmə atası Samir Şirinov tərəfindən gizlədilən ov tüfəngini və patron darağını evdən götürərək məktəbə keçirib. Tüfəngi çantasında gizlədən şagird, onu atəşə hazır vəziyyətə gətirib və müəllimin olduğu otaqda atəş açıb.
Şagird özünü qismən təqsirli bilib və müəllimi öldürmək məqsədinin olmadığını deyib. Növbəti iclas iyulun 24-nə təyin olunub.
Qeyd edək ki, hadisə 2026-cı il fevralın 6-da Binəqədi rayonundakı "İdrak" liseyində baş verib. Şagird saxlanılıb və barəsində 4 ay həbs qətimkan tədbiri seçilib. Ona Azərbaycan Cinayət Məcəlləsinin 29, 120.2.2-ci (xuliqanlıq niyyəti ilə adam öldürməyə cəhd) maddəsi ilə ittiham verilib.
