Sumqayıt Ağır Cinayətlər Məhkəməsində qətl törətməkdə ittiham olunan Amil Surxayev 14 il müddətinə azadlıqdan məhrum edilib.
Məhkəmə materiallarına görə, Amil Surxayev qardaşı Ruslanın ölümünə görə qisas almaq məqsədilə onu öldürən Orxan Hacıyevi güllələyib.
İttiham aktında qeyd edilir ki, Amil sosial şəbəkələrdə qardaşı haqqında təhqiramiz şərhlər gördükdən sonra qərarını verib.
O, hadisə günü Şamaxıda Orxanı izləyib və tək qaldığı an iki metr məsafədən atəş açıb.
Məhkəmədə Amil peşman olmadığını bildirib: "Heç bir kişi qardaşının ünvanına yazılan söyüşlərə dözməz."
Xatırladaq ki, Orxan Hacıyev 2020-ci ildə Ruslan Surxayevi bıçaqla öldürmüş və 1 il 6 ay həbs cəzası almışdı.
