İyunun 1-də xarici işlər naziri Ceyhun Bayramov ABŞ dövlət katibinin iqtisadi, enerji və biznes məsələləri üzrə köməkçisi Kaleb Orrun başçılıq etdiyi nümayəndə heyəti ilə görüşüb.
Görüşdə Azərbaycan-ABŞ münasibətlərinin cari vəziyyəti və perspektivləri, iqtisadiyyat, enerji təhlükəsizliyi, nəqliyyat, investisiyalar, ticarət və regional məsələlər müzakirə olunub.
Tərəflər Strateji Tərəfdaşlıq Xartiyası çərçivəsində əməkdaşlığın genişləndirilməsinin əhəmiyyətini vurğulayıblar. Yaxın zamanda keçiriləcək Azərbaycan-ABŞ İqtisadi Dialoqu xüsusi qeyd olunub.
Enerji sahəsində uzunmüddətli əməkdaşlıq, bərpaolunan enerji, yaşıl keçid və innovasiyalar müzakirə edilib.
Nazir Bayramov investisiya mühiti, Orta Dəhliz və regional layihələr barədə məlumat verib. Vaşinqton sammitindən sonra regiondakı irəliləyişlər də diqqət mərkəzində olub.
