"Abşeron" qaz-kondensat yatağının ikinci mərhələsi üzrə layihələndirmə işləri başa çatıb.
Oxu.Az xəbər verir ki, bu fikirləri "TotalEnergies"in Azərbaycan üzrə rəhbəri Emmanuel de Guillebon 31-ci Bakı Enerji Forumu çərçivəsində keçirilən "Upstream - yeni perspektivlər" adlı panel sessiyada deyib.
O bildirib ki, 2026-cı ildə icra mərhələsinə keçid ediləcək: "Hazırda tender keçirilir. Bununla bağlı müvafiq prosedura start verilib. Həmçinin iki il əvvəl istismara verilən "Abşeron" yatağının hasilatı gözlənilən nəticələri verib. İkinci mərhələdə isə gündəlik hasilat gücü 40 min barel neft olan üç yeni quyu qazılacaq."
