Dövlət İmtahan Mərkəzi (DİM) 17 may 2025-ci il tarixində magistraturaya qəbul imtahanının nəticələrini elan edib.
İmtahanın qapalı və kodlaşdırıla bilən açıq tipli 95 tapşırığı üzrə nəticələr artıq əlçatandır.
Bakalavrlar nəticələri DİM-in saytından və ya mobil operatorlar vasitəsilə öyrənə bilərlər. Bunun üçün "iş nömrəsi"ni "7727" nömrəsinə göndərmək kifayətdir.
Qeyd edək ki, yekun imtahan balı xarici dil esse tapşırıqları yoxlanıldıqdan sonra, 6 həftə ərzində açıqlanacaq. İştirakçılar qapalı tapşırıqlardan maksimum 95, esse hissəsindən isə 5 bal toplaya bilər.
Apellyasiya müraciətləri üçün yekun balın elanından sonra müraciət etmək mümkün olacaq.
