Bakı Təşəbbüs Qrupunun təşkilatçılığı ilə keçirilən 'Qlobal Cənub Gənclər Platforması: Dekolonizasiya prosesində gənclərin şəhərsalmada rolu' adlı konfransda platformanın ilk rəsmi iclası keçirilib.
İclasda platformanın fəaliyyət istiqamətləri, gələcək prioritetlər və beynəlxalq əməkdaşlıq imkanları müzakirə edilib.
Dörd yeni ölkə platformaya üzv qəbul edilib: Boneyr, Sen-Martin, Seneqal və Misir. Bununla üzv ölkələrin sayı 20-yə çatıb.
İştirakçılar davamlı əməkdaşlığın vacibliyini vurğulayıb və real nəticələr verən layihələrin həyata keçirilməsinin platformanın əsas hədəfi olduğunu bildiriblər.
Platformanın növbəti mərhələsi üçün prioritet istiqamətlər və fəaliyyət planı müəyyən edilib. Gənclər arasında əməkdaşlıq mexanizmlərinin gücləndirilməsi xüsusi diqqət mərkəzindədir.
Beynəlxalq təşkilatlar və vətəndaş cəmiyyəti ilə əməkdaşlığın genişləndirilməsi əsas prioritetlərdəndir.
