Xəzər dənizi üzərində temperatur 1,2 dərəcə, İran dağlıq bölgələrində isə 3 dərəcə artıb. Bu, çirkləndirici maddələrin Bakı üzərində qalmasına səbəb olur.
AMEA-nın baş elmi əməkdaşı Elnur Səfərov WUF13 çərçivəsində IDEA İctimai Birliyinin təşkil etdiyi paneldə bildirib ki, iqlim dəyişikliyi çirklənmənin yayılmasının qarşısını alır.
Azərbaycan və Özbəkistan alimləri hava keyfiyyətinin monitorinqi üçün birgə layihəyə başlayıb. Pilot ərazilər: Abşeron yarımadası, Bakı və Sumqayıt. Ölçmə stansiyaları qurulacaq, 72 saatlıq proqnozlaşdırma sistemi yaradılacaq.
Alim vurğulayıb ki, hava çirkliliyi ilə mübarizədə beynəlxalq əməkdaşlıq, peyk məlumatları və modelləşdirmə vacibdir.
