Xırdalan şəhərində yaşayan bir sakin, tikinti şirkətinin onu 22 kvadratmetr sahədə aldatdığını iddia edir.
Baku TV-nin qaynar xəttinə müraciət edən şəxs, “SAS EkoPark” şirkətindən 118.6 kvadratmetrlik mənzil aldığını, lakin sonradan real sahənin 96.1 kvadratmetr olduğunu bildirib.
Vətəndaş məhkəməyə müraciət edərək qalib gəlsə də, şirkətin təzyiqləri ilə üzləşdiyini deyir. Evinə qanunsuz müdaxilələr, işıq və su kəsintiləri yaşadığını qeyd edir.
“Binaya zərər vurmaqla bağlı əsassız iddialarla məni hədələyirlər. Bu problem bütün binada var”, - deyə şikayətçi əlavə edib.
Şirkət nümayəndəsi isə binanın sütunlarına ziyan vurulduğunu və avadanlıqların quraşdırılması zamanı aşağı mərtəbəyə zərər dəydiyini bildirib.
