Bakının Xəzər rayonu Zirə qəsəbəsində yerləşən 122 nömrəli məktəb bağlanıb.
Valideynlər mayın 24-də xəbərdar edilib və övladlarını yaxınlıqdakı digər məktəblərə yönləndirmələri istənilib.
Məktəbdə təxminən 75 şagird təhsil alır. Valideynlər dərs ilinin sonuna yaxın belə bir addımın atılmasından narazıdır.
Məktəb rəhbərliyi optimallaşdırma səbəbindən 2026-2027-ci tədris ilindən məktəbin bağlanacağını bildirib.
Məqsəd resursların səmərəli bölüşdürülməsi və keyfiyyətli təhsil mühitinin formalaşdırılmasıdır.
