İşğaldan azad edilmiş Cəbrayıl rayonunun Horovlu kəndində Qurban bayramı böyük coşqu ilə qeyd olunur.
Doğma yurdlarına qayıdan sakinlər bu müqəddəs bayramı öz evlərində qarşılamağın qürurunu yaşayırlar.
Bayram münasibətilə kənddə "Qurban Yarmarkası - Bərəkət Festivalı" təşkil edilib.
Uzun illərin həsrətindən sonra öz torpaqlarında bayram keçirən sakinlər təəssüratlarını bölüşüblər.
"33 ildən sonra kəndimizə qayıtmışıq. Bu anları yaşamaq böyük xoşbəxtlikdir", - deyə bir sakin bildirib.
Digər bir sakin isə: "Neçə ildən sonra ilk dəfə öz torpağımızda Qurban bayramını qeyd edirik. Sevincdən ağlamaq dərəcəsindəyəm" - söyləyib.
