İsveçdə bir qadın jurnalist süni intellektlə yaradılmış foto və saxta adla baş nazirin həyat yoldaşının malikanəsində könüllü kimi işə düzəlib.
"Aftonbladet"in müxbiri Liza Röstlund, baş nazir Ulf Kristerssonun həyat yoldaşı Birqitta Edə məxsus "Vängården Föllökna" mülkündə könüllü olub. O, burada təhlükəsizlik boşluqlarını aşkarlayıb.
Birinci xanım təmir işlərinə kömək üçün könüllülərə "nüfuzlu şəbəkə" vəd etmişdi. Jurnalist saxta ad və süni intellektlə dəyişdirilmiş fotodan istifadə edərək dərhal təsdiq alıb.
Mülkə gələndə "Säpo" mühafizəçiləri ilə qarşılaşsa da, onun sənədlərini yoxlamayıblar. Liza diktofonu keçirə bilərək günü baş nazir və həyat yoldaşı ilə keçirib. Birinci xanım onu şəxsi yataq otağına aparıb bir neçə dəqiqə tək qoyub.
Müxbir təhlükəsizlik və gündəlik rejim haqqında bir çox məxfi məlumat eşidib. Säpo isə şərh verməkdən imtina edərək yalnız baş naziri qoruduqlarını bildirib.
