Özbəkistanın Namanqan şəhərində keçirilən 65-ci Beynəlxalq Güllər Festivalı Ginnesin Rekordlar Kitabına düşüb. Festival üçün 29 milyon 406 min 384 gül əkilib.
Oxu.Az TASS-a istinadən xəbər verir ki, festival təxminən iki ay davam edəcək və beş milyona yaxın ziyarətçi gözlənilir.
Əkin zamanı texnikadan istifadə qadağan edilib. Ginnesin minimum tələbi bir milyon gül olduğu halda, Namanqan administrasiyası bir ay ərzində 29 milyondan çox gül əkərək rekorda imza atıb.
Ginnesin rəsmi hakimi Şeyda Subaşı: "Möhtəşəm koordinasiya və ortaq məqsəd sayəsində Namanqan güllərin, birliyin və mükəmməlliyin rəmzinə çevrildi."
Qeyd edək ki, Güllər Festivalı 1961-ci ildən keçirilir, beynəlxalq statusu isə 2018-ci ildə alıb. Festival mayın 24-dən iyulun 12-dək davam edəcək.
150-yə yaxın tədbir: elmi konfranslar, forumlar, yarmarkalar, konsertlər, dron şouları planlaşdırılır. Namanqan Özbəkistanda ikinci ən böyük şəhərdir.
