Rafael Fiziyev ikinci dəfə Bakıya gəldiyi üçün sevindiyini bildirib.
Oxu.Az xəbər verir ki, bu barədə Milli Gimnastika Arenasında keçiriləcək "UFC Fight" gecəsində Manuel Torreslə qarşılaşacaq Fiziyev deyib.
O, hazırda Tailandda məşq etdiyini və komandasını dəyişmək istəmədiyini vurğulayıb:
"Hər döyüşçü nokautdan danışa bilər, amma heç kim hansı raundda olacağını dəqiq deyə bilməz. Rəqibimi nokaut etmək üçün çalışacağam. UFC döyüşlərində gözlənilməz nəticələr ola bilər. Rəqibim ayaqüstü döyüşür, güləşmir - bu mənim üçün sərfəlidir."
Qeyd edək ki, iyunun 27-də, şənbə günü Milli Gimnastika Arenasında keçiriləcək tədbirin əsas döyüşündə yüngül çəkidə 9-cu olan Rafael Fiziyev reytinqdə 14-cü yerdəki Manuel Torreslə üz-üzə gələcək.
