Azərbaycan Minifutbol Federasiyasının vitse-prezidenti Taleh Nəsibov millinin Avropa çempionatındakı qələbəsini şərh edib.
O, Heydər Əliyev Aeroportunda jurnalistlərə açıqlamasında deyib: "Qrup mərhələsini lider bitirdik, sonra güclü rəqiblərlə qarşılaşdıq. Futbolçularımız yüksək hazırlıqlı idi."
Nəsibov vurğulayıb: "Dünya çempionu kimi məsuliyyətimiz böyük idi. Hazırlığa ciddi yanaşdıq və Avropa çempionluğunu qazandıq."
O, azarkeşlərə təşəkkür edib: "Slovakiyada bizi dəstəkləyənlərə minnətdarıq. Onların dəstəyi motivasiya mənbəyi oldu. Komanda hər oyuna qələbə üçün çıxdı. Nəticədə ikiqat Avropa, birqat dünya çempionu olduq."
Nəsibov Prezident İlham Əliyevə təşəkkürünü bildirib: "Dövlət başçısının ayırdığı 1 milyon manat mükafat bizi qürurlandırdı. Onun daimi dəstəyi futbolçular üçün güclü motivasiyadır."
