Azərbaycan millisinin baş məşqçisi Elşad Quliyev Slovakiyada keçirilən minifutbol üzrə Avropa çempionatında qələbədən sonra açıqlama verib.
O, çempion olduqları üçün çox sevincli olduqlarını, final oyununun çətin keçdiyini bildirib.
Mütəxəssis qeyd edib ki, futbolçular yorğun olsalar da toparlana bildilər və finalda möhtəşəm oyun nümayiş etdirdilər.
“Çalışacağıq ki, uğurlarımızın davamı gəlsin. Çempion olduqdan sonra tempi aşağı salmaq istəmirik”, – deyə Quliyev vurğulayıb.
Baş məşqçi final öncəsi komanda ilə psixoloji söhbətlər apardıqlarını da qeyd edib.
