Bakıda bir vətəndaş, Orxan Cəlilov, avtomobil satışı şirkətindən şikayətçidir. O, kreditlə aldığı "Hyundai Genesis" avtomobilində bir gün sonra problemlər yaranıb.
Orxan deyir: "2 800 manat ilkin ödəniş etdim. Mənə maşının problemsiz olduğunu dedilər. Ustaya göstərmək istədim, "narahat olma, 10 gün ərzində qaytara bilərsən" dedilər. Usta isə maşının özü qədər xərci olduğunu söylədi."
Avtomobili qaytarmaq istəyəndə şirkət 300 manat xidmət haqqı tələb edib. Şirkət isə Cəlilovun psixi problemləri olduğunu iddia edərək ittihamları rədd edir.
Hüquqşünas Mircavid Miriyev deyir ki, müqavilə natamamdır və məsuliyyət yalnız alıcının üzərinə qoyulub. Polis araşdırması davam edir.
