Argentinalı ulduz Lionel Messi MLS-in ulduzlar oyunu heyətinə daxil edilib.
Oxu.Az xəbər verir ki, bu barədə MLS-in rəsmi saytında məlumat yayılıb.
İyulun 29-da Şimali Karolina ştatının Şarlott şəhərindəki "Bank of America" stadionunda keçiriləcək qarşılaşmada MLS ulduzları Meksika çempionatının ulduzları ilə üz-üzə gələcək.
Heyətdə Messi ilə yanaşı, Brayan Şveyk, Antoni Markaniç, Mbekezeli Mbokazi, Tim Rim, Endi Naxar, Sebastyan Berhalter, Zavyer Qozo, Hani Muxtar, Uqo Keypers, Son Hın Min kimi futbolçular yer alıb.
Baş məşqçi Din Smit daha 13 futbolçu seçəcək, liqa komissarı Don Qarber isə iki oyunçu əlavə edəcək.
