İranın milli futbol komandası 2026-cı ildə ABŞ, Kanada və Meksikada keçiriləcək dünya çempionatında iştirak edəcəyini rəsmən təsdiqləyib.
İslam Respublikası Xarici İşlər Nazirliyinin nümayəndəsi İsmayıl Bəqai bildirib ki, qərar Gənclər və İdman Nazirliyi ilə Futbol Federasiyasının qiymətləndirmələri əsasında qəbul edilib. O, FIFA-nın idmançıların hüquqlarının tam qorunmasına dair rəsmi zəmanət verdiyini də qeyd edib.
FIFA baş katibi Mattias Qrafstrem may ayında Türkiyədə keçirilən görüşün səmərəli olduğunu və İranın iştirakının gözlənildiyini bildirib.
