"Şamaxı" klubunun aparıcı futbolçusu Kərim Rossi karyerasını Qazaxıstanda davam etdirə bilər.
Oxu.Az Qazaxıstan mediasına istinadən xəbər verir ki, Qazaxıstan Premyer Liqasında çıxış edən iki klub təcrübəli forvardın xidmətində maraqlıdır.
Hazırda Rossini heyətinə qatmaq istəyən klubların adları gizli saxlanılır.
Futbolçuya maraq yalnız Qazaxıstanla məhdudlaşmır. Rusiya Premyer Liqası, Səudiyyə Ərəbistanı və digər Azərbaycan klubları da onu istəyir.
32 yaşlı hücumçu cari mövsümdə 30 oyunda 9 qol vurub.
Rossinin müqaviləsi bu yay başa çatır. O, azad agent kimi komanda dəyişə bilər.
