Bölgədə sülh təşəbbüslərinin pozulmasına yeni cəhdlər edilir. Bu dəfə də əsas aparıcı rolunda Fransa Prezidenti Emmanuel Makrondur. Paris İrəvanı özünün Cənubi Qafqazdakı yeni koloniyası elan etməyə hazırlaşır.
Prezident İlham Əliyevin Zəngilan səfəri zamanı səsləndirdiyi bəyanatlar Azərbaycanın regional siyasətinin və sülh prosesinin konturlarını ortaya qoydu. Xüsusilə yaranmış həssas vəziyyətdən istifadə etməyə çalışanlara eyham vuran bəyanatların ünvanı yenə Fransa və Makron idi.
Azərbaycan dövlət başçısı vurğuladı: Ermənistanı bizdən qorumaq lazım deyil. Biz istədiyimizə nail olmuşuq. Saxta qəhrəmanların boşboğazlığı heç nəyə yaramır.
Fransa Ermənistanı silahlandırmağa çalışır, revanşistləri həvəsləndirir. Lakin Bakı prosesləri izləyir və istənilən inkişafa hazırdır. Sülhün müəllifi Azərbaycandır.
