Türk Dövlətləri Təşkilatı (TDT) ölkələrinin liderləri mayın 17-dən 22-dək Bakıda keçiriləcək Ümumdünya Şəhərsalma Forumunun 13-cü sessiyasında (WUF13) fəal iştirak edəcəklərini təsdiqləyiblər.
Oxu.Az "Report"a istinadən xəbər verir ki, bu barədə TDT-nin qeyri-rəsmi sammitinin yekunları üzrə qəbul edilmiş Türküstan Bəyannaməsində bildirilir.
"İnklüziv, dayanıqlı və ekoloji cəhətdən təhlükəsiz şəhərlərin və icmaların təşviqi üçün şəhərsalma planlaşdırılmasının, həmçinin rəqəmsal texnologiyalardan, innovativ həllərdən və məlumatlara əsaslanan yanaşmalardan istifadə etməklə dayanıqlı şəhər və məkan inkişafının strateji əhəmiyyətini vurğulayırıq", - deyə bəyannamədə qeyd olunur.
Sənədə əsasən, tərəflər süni intellekt və rəqəmsal texnologiyalar sahəsində əməkdaşlığı gücləndirmək barədə razılığa gəliblər.
