Türk Dövlətləri Təşkilatı (TDT) üzvləri turizm sektorunda rəqəmsal əməkdaşlığı gücləndirmək qərarına gəlib. Bu, milli turizm platformalarına və rəqəmsal xidmətlərə çıxışı asanlaşdırmaqla həyata keçiriləcək.
Türküstan Bəyannaməsində qeyd olunur ki, birgə turizm məhsullarının təşviqi və turizm axınlarının artırılması üçün məlumat mübadiləsi vacibdir.
Sənəddə həmçinin səhiyyədə rəqəmsallaşma, süni intellektin tətbiqi, iqlim dəyişikliyi ilə mübarizə kimi mövzulara toxunulur. Liderlər texnoparklar, innovasiya mərkəzləri və vençur fondlarının yaradılmasını təşviq edəcəklərini bildiriblər.
