Türk Dövlətləri Təşkilatının (TDT) liderləri insan yönümlü və etik süni intellektin inkişafı üçün çağırış ediblər. Bu çağırış Türküstan Bəyannaməsində öz əksini tapıb.
Liderlər vurğulayıblar ki, süni intellekt və rəqəmsal texnologiyalar iqtisadi inteqrasiya, dayanıqlı inkişaf, innovasiya və dövlət xidmətlərinin təkmilləşdirilməsi üçün strateji əhəmiyyət daşıyır.
Eyni zamanda, etik idarəetmə, kibertəhlükəsizlik və məlumatların qorunması sahəsində əlaqələndirilmiş tədbirlərə ehtiyac olduğu bildirilir.
Bəyannamədə çoxtərəfli əməkdaşlığın genişləndirilməsi, birgə infrastrukturun qurulması və insan kapitalının gücləndirilməsi vacib sayılır.
Sənəddə həmçinin Naxçıvan Sazişi, Türk dünyasının Vizyonu-2040 və digər strateji sənədlərə sadiqlik təsdiqlənib.
