Paytaxtın Nərimanov rayonundakı Əhməd Rəcəbli küçəsi qəzalı vəziyyətdədir. Yolun Ziya Bünyadov prospekti istiqamətindən "Nəriman Nərimanov" metro stansiyasına doğru olan hissəsində çökmələr və çalalar yaranıb. Məlumata görə, yol 2024-cü ilin oktyabrında təmir olunsa da, qısa müddətdə yenidən deformasiyaya uğrayıb.
Bu vəziyyət sürücülər üçün ciddi çətinlik yaradır. Sürücülər bildirirlər ki, yolun müxtəlif yerlərindəki nahamarlıqlar hərəkətə mane olur və təhlükəsizlik riski yaradır.
"Təzə təmir olunmuşdu, amma yenə eyni vəziyyət yaranıb. Sürətlə gələndə çalalar qəfil qarşımıza çıxır", - deyə sürücülərdən biri narazılığını bildirib.
