Bakıda çoxmərtəbəli binaların tikintisi ilə məşhur olan "Teymuroğlu Construction" şirkəti ciddi problemlə üzləşib. Şirkətin inşa etdiyi binada işçi ölüb.
Oxu.Az məlumatına görə, Mənzil Tikinti Kooperativində (MTK) araşdırma aparılıb. Məlum olub ki, MTK işçisi Ə.Əsgərxanov iş zamanı bədbəxt hadisə nəticəsində həlak olub.
Araşdırmada işçinin icbari sığortalanmadığı üzə çıxıb. Bu səbəbdən MTK İnzibati Xətalar Məcəlləsinin 469-1-ci maddəsini pozub.
Şirkət nümayəndəsi bildirib ki, işçi ilə əmək müqaviləsi 2026-cı ilə bağlansa da, işə çıxma vaxtı fərqli olub. Sığorta müqaviləsi sistem xətası və "Atəşgah Siğorta"nın nağd ödəniş tələbi səbəbindən gec bağlanıb. Hadisə ehtiyatsızlıqdan baş verib, ailəyə yardım edilib.
Nərimanov Rayon Məhkəməsi şirkəti 5 min manat cərimələyib.
