İran və ABŞ nümayəndə heyətləri iyunun 19-da İsveçrədə birbaşa danışıqlara başlayacaq. Görüşdə İranın nüvə proqramı və texniki məsələlər müzakirə olunacaq.
"Al Arabiya" telekanalı özəl mənbələrə istinadən xəbər verir ki, tərəflər nüvə proqramının siyasi aspektləri, anti-İran sanksiyalarının ləğvi və İranın dondurulmuş aktivlərinin azad edilməsi kimi hüquqi məsələləri müzakirə edəcəklər.
Görüşlərdə Livan və "Hizbullah" hərəkatı ilə bağlı məsələlər də gündəmə gələcək. Danışıqlar Sürixdə keçirilə bilər.
Mənbələr bildirir ki, Qətər və Pakistan nümayəndələri də iştirak edəcək. Bəzi görüşlərə Türkiyə və Səudiyyə Ərəbistanı təmsilçiləri də qatılacaq.
"Reuters" agentliyi İsveçrə XİN-ə istinadən yazıb ki, ABŞ və İran iyunun 19-da Bürgenştok razılaşmasının icrası üzrə ilkin danışıqlar aparacaq.
