Yaponiyanın paytaxtı Tokioda ibtidai məktəbdə yanğın baş verib.
Hadisə nəticəsində 10 nəfər xəsarət alıb. Onlardan 8-i şagird, 2-si müəllimdir.
Yanğın dördüncü mərtəbədəki musiqi otağında başlayıb. Xilasedicilər 4 nəfəri binadan çıxarıblar. Digər şagirdlər və işçilər təxliyə edilib.
Zərərçəkənlər tüstüdən zəhərlənib, lakin həyatları təhlükədə deyil. Hadisə yerinə 65-dən çox yanğınsöndürən cəlb olunub.
Məktəbdə 337 şagird təhsil alır.
