Moldovanın müdafiə naziri Anatoli Nosatıy müxalifətin təzyiqlərinə baxmayaraq, vəzifəsini tərk etməyəcəyini bildirib.
Müxalifət nümayəndələri orduda baş verən intihar halları və bir hərbi hissədə silahla ehtiyatsız davranış nəticəsində yeniyetmənin ölümündə naziri günahlandırır.
Nosatıy brifinqdə bildirib: "İstintaq başa çatana qədər istefa verməyəcəyəm. Nazir hər bir əsgərin hərəkətinə görə birbaşa məsuliyyət daşımır."
Qeyd edək ki, bəzi siyasi qüvvələr və parlament partiyaları onun istefasını tələb edirdi. Lakin hakim partiya ona dəstəyini ifadə edib.
