Türkiyənin Samsun şəhəri İlkadım rayonunda səhər saatlarında küçənin ortasına pilotsuz uçuş aparatı (dron) düşüb.
Oxu.Az xəbər verir ki, məhəllə sakinləri güclü partlayış səsinə oyanıb. Hadisə çaxnaşmaya səbəb olub.
Parçalanmış dron yaxınlıqdakı iki binaya ziyan vurub, lakin xəsarət alan yoxdur.
İlkin araşdırmalara görə, dronun qanad və quyruq uzunluğu təxminən 1 metr olub. Polis dronun kimə məxsus olduğunu araşdırır.
