Qərbi Avstraliyanın Pert şəhəri yaxınlığındakı Rottnest adasında 38 yaşlı kişi köpəkbalığının hücumundan sonra həyatını itirib.
Oxu.Az-ın xəbərinə görə, bu barədə "BBC" telekanalı məlumat verib.
Fövqəladə xidmətlərin məlumatına görə, hadisə "Horseshoe Reef" (At nalı) rifinin yaxınlığında baş verib ki, bu, regionun ən məşhur turistik istiqamətlərindən biridir.
"38 yaşlı kişinin köpəkbalığının hücumuna məruz qaldığı güman edilir. O, gəmi ilə sahilə gətirilib və orada təcili tibbi yardım işçiləri tərəfindən qarşılanıb. Təəssüf ki, onun həyatını xilas etmək mümkün olmayıb", - deyə məlumatda bildirilib.
Qeyd edilir ki, sahildən təxminən 80 metr məsafədə şahidlər təxminən beş metr uzunluğunda ağ köpəkbalığı görüblər.
