Məşhur türkiyəli aktyor Kadir İnanır xəstəxanaya yerləşdirilib.
Oxu.Az "Hürriyet" nəşrinə istinadən xəbər verir ki, 77 yaşlı aktyor pnevmoniya ilə bağlı nəfəs darlığı yaşayır.
Xəstəxananın baş həkimi bildirib ki, Kadir İnanır reanimasiya şöbəsində müalicə alır. Onun vəziyyəti qismən yaxşılaşıb.
Həkim qeyd edib: "Aparılan qiymətləndirmədən sonra pnevmoniyadan qaynaqlanan nəfəs darlığı müşahidə olunub. Reanimasiyada qeyri-invaziv tənəffüs dəstəyi təmin edilir. Xəstə bir müddət daha müşahidə altında qalacaq."
