Ötən gün Pakistanın Müzəffərabad şəhəri yaxınlığında hərbi helikopter qəzaya uğrayıb.
"Reuters" agentliyinin məlumatına görə, qəzada 22 nəfər həlak olub.
İlkin məlumatlara əsasən, qəzaya səbəb havaya qalxma zamanı texniki nasazlıq olub.
Pakistanın İctimaiyyətlə Əlaqələr üzrə İdarələrarası Xidməti bildirib ki, "Mi-17" markalı helikopter hündürlük yığarkən yerə çırpılıb.
Qəzada göyərtədə olanların heç biri sağ qalmayıb.
Hadisənin səbəblərini araşdırmaq üçün xüsusi istintaq komissiyası yaradılıb.
