ABŞ Prezidenti Donald Tramp Yaxın Şərq ölkələrinin liderləri ilə telefon danışığında onları İsraillə münasibətləri normallaşdırmağa çağırıb.
Axios portalının məlumatına görə, Tramp mayın 23-də Bəhreyn, Misir, İordaniya, Qətər, BƏƏ, Pakistan, Səudiyyə Ərəbistanı və Türkiyə liderləri ilə danışıb.
O, İran münaqişəsi başa çatdıqdan sonra İbrahim sazişlərinə qoşulmayan ölkələrin Tel-Əvivlə əlaqələrini yaxşılaşdıracağına ümid etdiyini bildirib.
Qətər, Pakistan və Səudiyyə Ərəbistanı nümayəndələri Trampın təklifindən təəccübləniblər. Danışıq zamanı sükut yaranıb və Tramp zarafatla "xətdəsinizmi?" deyə soruşub.
Tramp əlavə edib ki, normallaşdırma prosesi ilə prezidentin xüsusi elçisi Stiv Uitkoff və iş adamı Cared Kuşner məşğul olacaqlar.
