Hörmüz boğazı gəmilərin keçidi üçün bağlanıb.
Oxu.Az "Reuters"ə istinadən xəbər verir ki, bu barədə İranın Ali Birləşmiş Hərbi Komandanlığı bəyanat verib.
Qeyd olunub ki, boğazdan keçməyə cəhd edən istənilən gəmi hücuma məruz qalacaq. Tədbirlər neft tankerlərinə və digər kommersiya gəmilərinə də aiddir.
Xatırladaq ki, ABŞ gecə saatlarında İrandakı obyektlərə hücuma başladığını elan edib. Ölkə ərazisindəki bir neçə şəhərdə hava hücumundan müdafiə sistemləri aktivləşdirilib.
Hörmüz boğazında İran və ABŞ donanmaları arasında toqquşmalar baş verib, İranın Keşm və Hengam adalarında partlayış səsləri eşidilib.
