Lerik rayonunun Daster kəndində baş verən faciəli hadisənin təfərrüatı məlum olub. 1999-cu il təvəllüdlü Həmzə Mirseyidzadə qohumuna məxsus "QAZ-66" markalı yük avtomobilini təmir edib.
Təmirdən sonra avtomobilin texniki vəziyyətini yoxlamaq istəyən Həmzə sükan arxasına keçib. Lakin idarəetmə zamanı o, nəqliyyat vasitəsini dərəyə aşırıb.
Ağır xəsarətlər alan gənc Lənkəran Rayon Mərkəzi Xəstəxanasına aparılarkən yolda həyatını itirib. Hadisə ilə bağlı cinayət işi başlanılıb.
Qeyd edək ki, Həmzə Mirseyidzadə Vətən müharibəsi iştirakçısı, yəni qazi olub. Onun ölümü ailəsi və yaxınları üçün ağır itki oldu.
