Azərbaycanlı UFC döyüşçüsü Nazim Sadıxov, iyunun 27-də Milli Gimnastika Arenasında keçiriləcək "UFC Fight Night" gecəsində Mateus Kamilo ilə qarşılaşacaq. Sadıxov, hazırlıqlarının əla getdiyini və rəqibindən hər komponentdə güclü olduğunu bildirib.
"Keçmiş döyüşlər haqda düşünmürəm. Dekabrda məğlub olduqdan sonra bir ay bu döyüş barədə düşünsəm də, sonradan ancaq irəliyə baxmağa başladım. Ən yaxşı döyüşlərim hələ irəlidədir", - deyə Sadıxov vurğulayıb.
Xatırladaq ki, Nazim Sadıxov son döyüşündə ötən il dekabrda fransalı Fares Ziyama 2-ci raundda texniki nokautla məğlub olub. Gecənin əsas qarşılaşmasında Rafael Fiziyev Manuel Torreslə üz-üzə gələcək.
