Almaniya məhkəməsi 2024-cü il Maqdeburq Milad yarmarkası terroru ilə bağlı qərar verib. Səudiyyə Ərəbistanı vətəndaşı Taleb əl-Əbdülmöhsən ömürlük həbs cəzası alıb.
51 yaşlı təqsirləndirilən şəxs adam öldürmə, adam öldürməyə cəhd və sağlamlığa ağır zərər vurma maddələri ilə günahkar bilinib. Qərar 8 ekspert rəyi və 109 şahid ifadəsi əsasında verilib.
Hücum 20 dekabr 2024-cü ildə baş verib. BMW markalı avtomobil Milad yarmarkasında insanların arasına girib, 6 nəfər ölüb, çoxlu sayda yaralanan olub. İstintaq zamanı müttəhimdə şəxsiyyət pozuntusu aşkar edilsə də, o, anlaqlı sayılıb.
