İyunun 27-də Bakıda keçiriləcək "UFC Baku Fight Night" turniri öncəsi döyüşçülərin rəsmi çəkiölçmə mərasimi baş tutub.
Tədbirdə ümumilikdə 26 döyüşçü iştirak edir.
Bakı Gimnastika Arenasında baş tutacaq gecədə altısı əsas, yeddisi ilkin kartda olmaqla 13 döyüş olacaq.
Xatırladaq ki, gecənin əsas döyüşündə azərbaycanlı Rafael Fiziyev Manuel Torreslə qarşılaşacaq. İkinci əsas döyüşdə Şarabutdin Maqomedov Mişel Pereyra ilə üz-üzə gələcək.
Digər azərbaycanlılar - Tahir Abdullayev, Nazim Sadıxov və Fərman Həsənov da oktaqona çıxacaq.
