2025-ci ildə Almaniyaya birbaşa xarici investisiyalar 10% azalaraq 548 layihəyə düşüb. Bu, 17 ilin ən aşağı göstəricisidir.
EY-nin sorğusuna görə, yüksək vergilər, əmək haqqı və enerji xərcləri investisiya qərarlarına mənfi təsir göstərir. Bürokratik prosedurlar da islahat olunmayıb.
Almaniya Avropada üçüncü ən cəlbedici investisiya məkanı olaraq qalır. Fransa və Böyük Britaniya öndədir.
EY Almaniya rəhbəri Henrik Ahlers deyib: "Fransa və Böyük Britaniya yüksəliş trendi göstərsə də, Almaniya iqtisadiyyatı illərdir enişdədir".
Zəif satış və mənfəət göstəriciləri, qeyri-müəyyən iqtisadi şərait şirkətləri investisiyaları təxirə salmağa məcbur edir.
