Baku TV-nin "Hərbi xronika" rubrikasında son müharibələrdə müasir hərbi planlaşdırmadakı dəyişikliklər və yeni döyüş konsepsiyaları təhlil edilib.
Ukrayna müharibəsi və Yaxın Şərqdəki qarşıdurmalar göstərib ki, üstünlük artıq yalnız yüksək texnologiyalı silahlardan asılı deyil. Kütləvi istehsal, iqtisadi səmərəlilik, logistika və sürətli adaptasiya da strateji üstünlük üçün vacibdir. Xüsusilə ucuz pilotsuz sistemlərə qarşı bahalı müdafiə vasitələrinin istifadəsi iqtisadi dayanıqlığın əhəmiyyətini artırıb.
Müasir ordular "platforma mərkəzli" yanaşmadan "sistemlərin sistemi" modelinə keçir. Pilotsuz sistemlər, sensorlar, rabitə şəbəkələri, süni intellekt vahid idarəetmə mühitində birləşərək döyüş imkanlarını gücləndirir. İstehsal gücü və kritik texnologiyalar üzərində nəzarət əsas prioritetlərdəndir.
Gələcəyin hərbi gücü təkcə müasir silahlara sahib olmaqla deyil, onları sürətlə istehsal etmək, geniş tətbiq etmək və vahid əməliyyat sistemində əlaqələndirməklə müəyyən olunacaq.
