Nyu-York şəhərinin meri Zohran Mamdani, JPMorgan Chase-in baş icraçı direktoru Ceymi Dimonla bankın yeni baş ofisində görüşüb.
Mamdani ötən il Amerika maliyyə paytaxtının meri vəzifəsinə demokratik sosialist kimi namizəd olmuşdu. O, Dimonla ilk dəfə 270 Park Avenyuda görüşüb.
Görüşdə hökumət xərclərinin azaldılması və bürokratiyanın yüngülləşdirilməsi kimi məsələlər müzakirə olunub.
JPMorgan sözçüsü görüşün "konstruktiv və dostyana" keçdiyini bildirib.
Mamdani varlılardan daha çox vergi alınması təkliflərinə dəstək verdiyi üçün Citadel-in qurucusu Ken Griffin kimi milyarderlərin tənqidinə məruz qalıb.
Onun seçki platforması şəhəri yoxsul sakinlər üçün daha əlverişli etmək, kirayə haqlarını dondurmaq və ərzaq, uşaq baxımı kimi əsas xərcləri azaltmaq vədi ilə diqqət çəkib.
Dimon daha əvvəl bankın Mamdaniyə kömək etməyə hazır olduğunu bildirmişdi. "Şəhərlərin problemləri var və bu problemləri həll etmək üçün hər kəsin əlini daşın altına qoyması lazımdır" deyə o, keçən noyabrda Reuters-ə müsahibəsində qeyd edib.
Nyu-Yorkun ən böyük özəl işverənlərindən biri olan JPMorgan, keçən ilki məlumata görə şəhər iqtisadiyyatına hər il 42 milyard dollar töhfə verir.
